جريسكوم وال 40 مليون دولار !

بعد  ما جابوا اول طفل , روفوس  جريسكوم واليسا فولكمان اتصدموا من كمية المعلومات الغلط اللي لاقوها  عن تربية الاطفال عالانترنت. فجاتلهم فكرة انهم يعملوا بلوج ومجله اونلاين يكسروا فيها الشكل المعروف الملل و "الغلط" اللي منتشر عن نصايح التربية, و كعادة اى حد بتجيله فكره في امريكا عملوا ويبسايت D': 

سنة 2009 لقوا ان الموقع بيحقق نجاح كبير فعرضوا علي مستثمرين انهم يمولوا مشروعهم في مقابل انهم يكونوا شركاء في الارباح فبدأوا بمجموعة مستثمرين من ضمنهم شركة ديزني .....مع أول سلايد في البرزنتيشن المستثمرين و ممثلين شركة ديزني بدأوا نوبة ضحك! 

 السلايد مكنش عليها اي حاجه تضحك بس كان  مكتوب فيها

5 Reasons why you shouldn't invest your money in  our website

او 5 اسباب تخليك ما تستثمرش فلوسك في الموقع بتاعنا

بعد ما البرزنتيشن خلصت جريسكوم قدر ياخد تمويل  للموقع بتاعه في السنه دي بحوالي 3.3 مليار دولار $$$ . بعدها بسنتين راح لشركة ديزني وطلب انه يبيع الشركه وعمل نفس الطريقه تاني فكانت النتيجه ان مش بس ديزني وافقت لا ده كمان اتعين  ك General Manager  للموقع في شركة ديزني.

انا شخصيا لما قريت الحكايه دي حسيت انها اشتغاله, يعني ازاى عايزه اقنعك بحاجه فاقولك ليه المفروض متقتنعش بيها ؟؟ يعني انت رايح تبيعلهم شركتك, فالمفروض تقنعهم بيها  مش تقف تشرحلهم كل العيوب اللي ممكن جدا تتسبب في انهم يخسروا كل فلوسهم لو اشتروا الشركه !

بس ليه اللي جريسكوم عمله ده أقنع ديزني تستثمر في الموقع بتاعه؟؟ o.O 

1- ساب انطباع قوي: اولا جريسكوم كان بيحاول يقنع ناس ليهم سلطه اعلي منه, ومش بس المطلوب انه يقنعهم بالفكره نفسها, لا ده كمان يقنعهم يستثمروا في الموقع بتاعه مبالغ كبيره جدا.  لما بدأ يقول المساوئ ساب عندهم انطباع انه شخص واقعي وصادق مش بيحاول يلعب عليهم ولا هو عايش في عالم الاوهام ومنغمس ف فكرته, وبين انه فاهم كويس اوي هو بيعمل ايه, وده اداله مصداقيه كبيره جدا عندهم.

2-طفي جهاز الانذار: الناس اول ما بتحس ان اللي قدامها بيحاول يبيعلها حاجه (حتي لو الحاجه دي فكره او رأي) بيبدأ  عقلهم ياخد احتياطه ويرفع علامات الحذر من اي حاجه بتتقال. وبيبتدي يحلل  كلامك حته حته  ويحاول يطلع كل السلبيات اللي فيه (حتي لو الشخص اللي بيعمل كده مقاللكش السلبيات اللي في دماغه).

المشكله هنا بتكون ان حتي لو مقالهاش فهو هيقرر ويتصرف علي أساسها  وده بيصعب مهمتك في انك تقنعه باي حاجه. لكن لما هتعرضله المشاكل هيتحول من ناقد قاعد وسط الناس بيطلع القطط الفطسانه في اللي بيتقال لشخص بيشاركك في اللي بتعمله وبيحاول يشوف معاك المشاكل دي ممكن تتحل ازاى.

جريسكوم قال عن الموضوع ده ان اول رد فعل للناس كان انهم ضحكوا وفجاه اختفي التحفز في قعدتهم وحتي طريقة كلامهم

3-بين ان فكرته  مش اي كلام: لو فكرتك ضعيفه او فيها اخطاء كتير مش هتقدر تقف بمنتهي الثقه وتشرح كل غلطه فيها, فلو جريسكوم  جاتله الشجاعه والجرأه انه يقول المشاكل ويناقشها فأكيد  في ايجابيات كتير جدااااا بتعوض عن الاخطاء دي خلته ييجي يعرض الفكره وكمان يقول مساوئها من غير ما يخاف من الرفض.

4-  غير  اتجاه تفكيرهم: لما حد يقوللك مساوئ فكرته هيبقي صعب جدا عليك انك تطلع انت كمان فيها مساوئ كتير.  هنا لما جريسكوم عرض موقعه بالشكل ده غير المكان اللي المستثمر بيفكر منه, طلعه من المكان المعتاد بتاعه انه قاعد يطلع اخطاء , لموقف  انه بيتعرض عليه افكار وبتتشرحله وهو نفسه قاعد بيقيم الاخطاء دي وعقله لا اراديا خلاه في موقع انه قدامه مشكله وبيحاول يشارك في حلها مش بينتقدها. 

بس فرمل كده شويه عشان ما نلبسش في الحيط كلنا D: 

مش كل المواقف ينفع يتعمل فيها اللي جريسكوم عمله!!

1- لو فكرتك مش قويه كفايه والجوانب الايجابيه فيها متقدرش تغطي عالسلبيه مينفعش تعمل كده, الحل هنا انك تشتغل عليها وتحسنها وتعرضها علي ناس يطلعولك عيوب الفكره دي عشان تتصلح.

2- لو الناس اللي قدامك سلطتهم مش أعلي منك, يعني انت مش بتعمل دي مع زميلك في الشغل لأن في الحاله دي أول حاجه هتتقالك "أيوه إنت صح" احنا مش هنعمل الفكره دي, لكن لما تبقي بتكلم حد سلطته أعلي هو متوقع انك هتقعد تجمل في الفكره عشان تبيعلها. 

فالمره الجايه اللي هتعمل فيها برزنتيشن او هتكلم حد عن فكره جرب الطريقه دي.

 الفكره من كتاب آدم جرانت  Originals: How non-conformists move the world    اقراه it's worth your time



ايه اول reaction متوقع الناس تعمله لو جربت الحكايه دي  ؟؟