مراية (الحرب) عميا

خلال آخر إسبوع في سبتمبر 1973  المخابرات الإسرائيليه بدأت تلاحظ تحركات غريبه علي الحدود المصريه والسوريه, المدفعيه بتتحرك من جوه مصر  للحدود بين مصر وإسرائيل وبتتحط في مواقع هجوميه, دخان  الدبابات طالع من المناطق الحدوديه المصريه  وكلام الحكومه المصريه بيقول إن دي تدريبات عسكريه عاديه. 

ساعتها اتعمل اجتماع عاجل في الموساد وكانت نهاية الاجتماع انهم شايفين ان العرب بتوع كلام وان القاده عندنا طموحاتهم اكبر من إمكانياتهم بكتير. 

يوم3 اكتوبر اتعمل اجتماع تاني في الموساد عرفوا فيه ان كمان سوريا كثفت المدفعيه علي حدودها ومجموعه من الكتائب المدرعه العراقيه اتحركت لشمال سوريا ده غير المناورات اللي المصريين بيعملوها بالطيارات ودي مكانتش جزء ن التدريبات العسكريه العاديه,  رؤساء اجهزة المخابرات في إسرائيل شافوا ان الموضوع مريب شويه لكن مستحيل العرب يجرؤوا يشنوا هجوم علي إسرائيل. ده غير إن أنور السادات نفسه سربلهم خبر إندلاع الحرب يوم 3 أكتوبر وفعلا وصللهم الخبر ده بجانب إن وصلهم برده إنباء ان المستشارين العسكريين الروس في مصر كلهم مشيوا  من ميناء الإسكندريه وكذ ملاحظه تانيه بتؤكد ان المصريين بيجهزوا لحرب التقارير دي كلها كانت في النهايه بتوصل ل "إيلي زعيرا"
Eli Zeira
  وكان كل مره بيكدبها ويقول لا المصريين ميقدروش يشنوا حرب دلوقتي. 

في ظهر يوم سته أكتوبر (اللي هو كان اليوم اللي بعد عيد الغفران عندهم و عشره رمضان عندنا)  وكان المفروض ان السادات قال انه طالع عمره هو و افراد من الجيش المصري (سمعت عن موضوع العمره ده بس مش متأكده منه بصراحه)  فجاه الإسرائيليين لقوا ان الجيشين المصري والسوري بداوا الغزو....احنا هنا بنتكلم علي ان مصر وسوريا كانوا ساعتها  قوه عسكريه مكافئه لحلف الناتو تقريبا وبدأ الهجوم المفاجئ علي مرتفعات الجولان وشبه جزيرة سيناء  واتحرك 8000 من قوات المشاه المصريه لقلب  سيناء ومن الناحيه التانيه 130 دبابه إسرائيليه كانت بتحاول تصد هجوم 1300 دبابه عراقيه وسوريه من ناحية مرتفعات الجولان. 

السؤال هنا ........ليه إيلي زعيرا وباقي قيادات الموساد كانوا مقتنعين جدا إن الحرب مش هتبدأ بالرغم من ان جالهم تحذيرات من جوا الحكومه و من جوا مكتب السادات نفسه ان العرب بيجهزوا للحرب؟؟  كل الأدله المنطقيه بتقول إن في حرب هتبدأ,  الإسرائيليين مبدأوش تجهيزاتهم ليه؟؟ 

How We Decide جونا ليرير اتكلم عن الموضوع ده بالذات في كتابه

,  قاللك إن المحللين الأمنيين في أجهزة المخابرات الإسرائيليه بعد نكسة 1968   حللوا الموقف الأمني وحطوا علي أساسه نظريه سموهاha-Konzeptzia  أو The Conceptالنظريه دي بتقول إن مصر وسوريا مش هيحطوا في إعتبارهم الهجوم علي إسرائيل قبل سنة 1975 لإن قبل 1975  العرب مش هيكونوا عرفوا يجمعوا مدفعيات ودبابات وطيارات مقاتله بالعدد الكافي اللي يؤهلهم إنهم يدخلوا الحرب خصوصا ان ساعتها الطيارات المقاتله الإسرائيليه كانت متطوره جدا جدا.  وطبعا مع وجود خط بارليف فحتي لو العرب شنوا هجوم هحتاجوا عالاقل 24 ساعه عشان يهدوا الساتر الترابي وده هيدي وقت كافي جدا للإسرائيليين إن يعلنوا حالة الحرب ويستعدوا.

بس الواقع في الحرب قاللك إن لأ مش شرط تكون قواتنا الجويه جامده ولا حاجه, كفايه جدا ان مصر تمتلك عدد كافي من الصواريخ الحربيه أرض-جوSurface-to-air missles قدر يوقع تقريبا كل الطيارات الإسرائيليه اللي شنت هجوم علي مصر ومن ناحيه تانيه خط بارليف كان ساتر ترابي قدر المصريين يوقعوه باستخدام المايه

pressurized water jet

في اقل من "ست ساعات"  

!  ومش محتاجه أقول ان
 ha-Konzeptzia
طلع غلط شكلا وموضوعا

امتي بنكدب الواقع ؟؟ 

  اللي الاسرائيليين عملوه هنا اسمه في علم النفس
Confirmation Bias
 إن عقلك فيه فكره معينه مؤمن بيها جدا لدرجة أن عقلك بقي رافض انه يصدق انها ممكن تطلع غلط, ومهما جالك ادله منطقيه تثبت إن الفكره دي غلط إلا أنك برده لسه مؤمن بيها

   كيرلس  بهجت شرح النقطه دي كويس جدا  لما قال

الموضوع بيبتدي من و إحنا صغيرين , لما بنكون عاوزين نأسس قواعد أو وجهات نظر شخصية عشان نقدر نتعايش بيها في الحياة عموما .. فمثلا , بندخل في دماغنا ان مفيش "راجل يضرب ست " , فيبقي تلقئيا عمرنا ما حنضرب ست أو حتي اي راجل بيضرب ست قدامنا يبقي غلط .. أو مثلا " سواقين المكروباصات دول عالم مُجرمة و ضايعة " , فيبقي تلقيئا , مفيش هزار في السواقة مع الناس ديه , او حتي لو شُفنا اي ظابط بيضرب اي سواق مكروباص , يبقي علطول الغلط عن السواق المُجرم الضايع , حتي و لو مش عارفين القصة كاملة !! .. فعلي مدار حياتنا بنبتدي نجمع شوية قناعات عن العالم اللي حوالينا عشان نقدر نعيش فيه ... 

 اي قناعة الإنسان بيكتسبها بتسبب له مشكلة الإنحياز ليها , حتي لو واحدة عنها قناعة ذاتيه ان جسمها وحش , حتفضل طول عمرها متخيله نظرة اي حد ليها , انه بيبص لها عشان يتعجب من جسمها الوحش ! حتي و لو مش حقيقي !! .. فمشكلة الإنحياز التأكيدي ان الإنسان مش بيعرف يدرك اي موقف بتجرد و حياديه إلا لما يعدي علي فتلر قناعاته عشان يشوف حيفهمه علي طريقته بإي شكل ! ,, " فبمعني أصح الإنسان بيصدق اللي بيكون هو عاوز يصدقه !!

 

مشكلة ال
Confirmation bias
 الرئيسيه انها هتخليك تأنتخ, دورها انها تقولك "كمل يا معلم انت كده ماشي عالطريق الصح" حتي ففي الأوقات اللي فيها بتحود عن الطريق الصح وتظهرلك نتايج تقولك انت غلط, ويما انك شايف انك "ماشي عالطريق الصح" اكيد مش هتغير مسارك وهتقع في الحفره اللي علي أول الشارع في الأخر :D 

  ال
Confirmation Bias 
 بتطلع بأشيك حالاتها بين المخطوبين 

:D زي بالظبط اللي حصل  تامر وراندا   هي اتعلقت بيه وهو اتعلق بيها ومرتاحين مع فكرة انهم احسن اتنين في الوجود,.  تامر في الموقف الفلاني اتعصب عليكي بدون مبرر, لا اصله اكيد كان متضايق من حاجه في الشغل, طب راندا  مواقفها كلها بتقول انها انانيه , لا لا اصل انتوا مش فاهمينها هي مكنتش قاصده  وبتكون النتيجه هنا ان بعد الجواز بتختفي مشاعر الحب والهيام الاوفر اللي بين تامر وراندا   وتبتدي الل
Confirmation bias
تقعد علي جنب وتكتشف هناء انها متجوزه شخص عصبي بطريقه هي مش عارفه تتحملها ويكتشف تامر ان راندا الملاك طلعت أنانيه جدا   

 :v "وتيجي بقي  المقوله الشهيره "مش دي راندا اللي حبيتها" و "ومش ده تامر اللي حبيته"

 

فعشان متتحطش في الموقف اللي اتحطت فيه إسرائيل او الموقف اللي اتحط فيه تامر وراندا   وتقرر متشوفش 

الحقيقه عشان هتهز ثقتك في حاجات انت عايز تصدقها.......قبل ما تقرر اي قرار اطلع بره تفكيرك وقناعاتك شويه كده وفكر كده لو شخص تاني ملوش اي علاقه بالمشكله دي سمع الموقف هيحلله ازاى؟؟  كتير هتلاقي ان طريقة التفكير دي متعبه لأنك معظم

 الوقت هتشوف الحقيقه اللي ممكن تكون مش عاجباك بس افتكر ان الحقيقه دي هي الواقع اللي هتعيشه بعد كده. 

لو عايز تقرا بوست كيرلس عن ال
Confirmation Bias
فده اللينك :D
https://www.facebook.com/Kirolos.bahgat.creativity/posts/10209830625068713

  How We Decide لJonah Lehrer لو عايز تعرف القصه الكامله اللي اختضرنا منها معظم قصة الحرب هتلاقيها في كتاب



#متضحكش_علي_نفسك #ConfirmationBias