مين فينا بيتبهدل أكتر ؟

لو بتدرس في جامعه او في ثانويه عامه (او عندك صحاب لطاف حبتين :v ) هتلاقي ان في مجموعة ناس كده عايشه في سباق لا ينتهي للاجابه علي سؤال "مين فينا بيتبهدل اكتر" D:

يعني لو رحت لحد قلتله "انا مضغوط جدا والله عندي ميدترمين في يوم واحد" هتلاقيه بيبصلك بابتسامه منتصره جدا علي وشه ويقولك "ايه ده, ميدترمين بس ؟؟ انتوا بتتدلعوا والله :v انا عندي 35 فاينال و 56 اساينمنت و8 ميدترمات كمان ساعتين :v, انت بتتكلم في ايه يابني" وايا كان وضعك فهو هيحاول يعلي عليك باي شكل من الاشكال.

انا كمواطنه في المجتمع المصري الاصيل احب اقول ان مجموعة "المواطن المطحون" اللي فوق دي مش في الدراسه بس حضرتك, ابسلوتلي دول في كل حته :")   وانا شخصيا كنت منهم لحد امبارح الحقيقه :v



كال نيوبورت لما اتكلم عن الظاهره دي في الArticle بتاعه Do you play misery poker or Quack? 

قاللك ان في الجامعات الكبيره بتلاقي ان الطلبه  تقريبا بيتقسموا لنصين. مجموعة البؤساء Misery pokers ومجموعة البط The Ducks :D

Misery Pokers البؤساء
دول الناس اللي دايما في حرب مستمره لاثبات انهم اكتر ناس متمرمطه ومسحوله يا حبة عيني وان المجتمع العلمي كله ظالمهم والدكاتره حاطين عليهم ! بغض النظر عن حقيقة ان اي نعم احيانا الدكاتره بيحطوا عالطلبه يعني (عن تجربه) الا ان اكيد في بعض الاوقات بيبقي الواقع احسن بكتير من الصوره اللي بينقلوها " ك بائسه سابقه باكدلكم انها بتبقي عن طيب خاطر والله D': "


The Ducks البط
دي العيال السهنّه ! :v
 معظم الوقت تلاقيه بيتكلم عن انه مبيذاكرش وكان بيتفسح النهارده فين وازاى امبارح كان قاعد علي شواطئ هاواي بيستجم بقي وكده D: الفكره انك بتلاقيهم في الاخر بيقفلوا وفي الغالب بيجيبوا اعلي من "المواطن المطحون" ويمكن اعلي منك انت شخصيا :V "ده لو مكنتش منهم يعني"

كال سماهم مجموعة البط لان البط بيبان فوق المايه (زي ما انت شايف في الصوره كده) انه جسمه بيتحرك لوحده كده من غير مجهود في حين انك لو نزلت تحت المايه وبصيت هتلاقي ان رجل البطه بتتحرك بسرعه جدا (وبتبذل مجهود كبير) عشان تعرف تتحرك فوق المايه بالشكل اللي بتشوفه ده.

طب ما ده مش عدل! 

مش عدل ابدا ان حد بيذاكر 12 ساعه في اليوم ولا حاجه ومتمسمر طول الوقت في بيتهم, يفهم ويجيب درجات أقل من شخص مبيقعدش عالكتاب اكتر من 3 ساعات كل يوم.

لو هنتكلم بصراحه فهو Actually الموقف عادل, وعادل جدا كمان D: الفكره هنا بتيجي في مبدأ "الصيت ولا الغني" يعني "المواطن المطحون" اللي ممكن تشوفه قاعد قدام الكتاب 8 ساعات ولا حاجه ودرجاته مبتقولش كده هو في الغالب بيعمل حاجه غلط, يا اما قاعد مش مركز وكل دقيقتين يفتح الفيسبوك, او بيذاكر غلط ففي الواقع مش بيستفيد فعليا بالمعلومات اللي بيدرسها بالتالي بيحتاج يراجع 200 مره عشان المعلومه تثبت....او عنده مشاكل في حياته مش عارف يتعامل معاها وكل شويه يسرح فيها....أو ..أو....أو المهم في النهايه كونه بيتكلم عن المجهود الجبار اللي بيعمله لا يعني انه فعليا بيعمله ولو بيعمله ممكن يبقي اتجاهه غلط لان مفيش نتيجه.

النوع التاني بيكون عباره عن شخص عارف بيذاكر صح ازاى, ولما بيقعد يذاكر بيدي المذاكره حقها وبيركز كويس جدا فمش محتاج يقعد يعيد ويزيد في المعلومه كتير....بالتالي بتلاقي ان عنده الوقت الكافي انه يخرج ويسهر مع صحابه ويعمل كل حاجه عشان في النهايه وقت الامتحان بيبقي فعلا متمكن من المعلومات اللي هيمتحن فيها.


مين الصح يعني؟ 

قبل ما نتكلم في صح وغلط فلازم نوضح ان الناس اللي بتحسسك انها مبتعملش حاجه فدي فيها فصيلتين واحده منهم فعلا بتعرف تنظم وقتها فلما يقولك انا مبذاكرش الا ساعتين في اليوم فهو فعلا بيوصف واقع مش بيشتغلك.... وفصيله  تانيه بتقول الكلام ده وبس.....يعني بيبقوا عارفين انهم بيشتغلوا كويس جدا بس مبيقولوش. في الفقره دي كلامنا عن الفصيله التانيه اللي عارفه انها بتشتغل بس بتبين العكس.

كال اتكلم عن ان الاتنين عندهم مشكله, كتير من الطلبه اللي بتتقبل في جامعات كبيره بيبقي حاسس دايما انه ده مش مكانه او انه جيه غلط. وممكن يبقي الكلام المستمر عن الحياه الاكاديميه بالشكل ده (سواء بيشتكي او بيحسس صحابه انه مبيذاكرش) حاجه عقله بيعملها عشان يداري علي احساسه الدفين انه ميستحقش يكون في المكان ده. المشكله هنا بتظهر ان ايا كان الشخص مين في المجموعتين  دول فهو من غير ما يحس بيستخدم سعادته وصحته النفسيه في مقابل انه يحس بقيمته ودي مشكله كبيره. 

قبل ما نخلص الArticle محتاجين نوضح حاجه مهمه ! 

كونك شخص من دول او كونك عارف حد منهم لا يعني ان اي شخص من المجموعتين شخص وحش او انه متعمد يعمل كده عشان يبان بالشكل الفلاني, احنا هنا بنتكلم ان ضغوط حواليه وافكار من جواه هو شخصيا بتزقه انه يتكلم كده, فده مش عيب او مشكله كبيره يعني, هو مجرد طريقه غير صحيه للتعامل مع الضغوط. وممكن جدا كمان يكون الكلام ده بيحصل لان ببساطه لقي كل اللي حواليه بيعملوا كده!

والحل؟

لو كنت بتقع في مجموعه من الاتنين دول, فكال ادي كام نصيحه هيظبطولك الدنيا  (كل نقطه تحتها موضوع كال كاتبه بالتفصيل عنها)  D: 

1- اعمل جدول معقول انت عارف انك هتقدر تعمله بجودة كويسة Monday Master Class: The Biggest Source of Stress that Most Students Ignore

2- سيب وقت فاضي في يومك تبقي عشوائي فيه شويه (مش لازم كل حاجه تبقي ماشيه عالمسطره في الوقت ده)Disruptive Thinkers: Ben Casnocha Wants You To Stop Making So Many Damn Plans

3- ركز اووي في الكام حاجه اللي اختارتهم احسن ما تدخل 100 حاجه في جدولك ومتأديش كويس اووي في اي حاجه فيهم

4- لو هتشتغل في عمل تطوعي او نشاط يبقي اختار واحد بس وطلع كل طاقتك الابداعيه فيه. The Art of Activity Innovation: How to Be Impressive Without an Impressive Amount of Work

5- خليك صديق كويس :)) حتي لو مش عندك صحاب كتير, المهم انك تكون صديق كويس لصحابك القريبين.

لو في موضوع معين منهم حابب انه ينزل عالبلوج هنا ممكن تكتبه في كومنت, لو في كذا حد طلب نفس الموضوع هترجمه وانزله  D:  


محتوى البوست ده من Do You Play Misery Poker or Quack? في بلوج Cal Newport 

هل شايف الكلام ده صح؟ وهل تفسير Cal لتصرف المجموعتين دول منطقي ؟